Waa maxay Injiilka

Waa kuma Ilaah?

Kutubta Tawrat, Zabuur iyo Injiil ayaa ina bara inuu jiro hal Ilaah oo keliya. Isagu waa Quduus, Xaq, Caadil iyo Raxmad. (Ishaacyaah 6:3, Sharciga Kunoqoshadiisa 6:4). Isagu waa Abuuraha makhluuqoo dhan u taliya.

Sidoo kale, Kitaabka Baybalka ayaa ina bara Ilaah waa Quduus dembigana iskama indho tiri karo. Waa inuu dembiga xukumo caadaladiisa daraadeed.

Yaan Nahay?

Ilaahay wuxuu aadanaha ka abuuray Suuradiisa.(Bilowgii 1:26). Laakiin dhammaanteen waynu dembaabnay (Rooma 3:23). Dembigu ma ahayn falkeenii xumaa oo kaliya, laakiin waa caasinimo innaga soocday Ilaah. Dembigu wuxuu keenaa dhimasho (Rooma 6:23) iyo xukun daa’im ah. Qofna dembigiisa kama saari karo camal wanaagsani, sababtoo ah caddaalada Ilaah waa kaamil. Xitaa camalkeena ugu wanaagsan waa sida ma maro wasakh ah oo kale Ilaaha Quduuska ah hortiisa. (Ishacyaah 64:6)

Kutubta Tawrat, Sabuur iyo Injill ayaa ina bara inuu hal dembi inna gayn karo naarta

Waa Maxay Injiilku?

Injiil macnihiisu waa warka wanaagsan. Ilaah jacaylkiisa weyn daraadeed, wuxuu sameeyay jid dembi dhaaf lagu helo xagga Yeshuuca Masiix.

Yeshuuca Masiix ma ahayn nebi oo keliya. Isagu waa Erayga Ilaaha daa’imka ah oo jidh qaatay oo dunida yimid. (Yooxaana 1:1, 14)

Wuxu noolaa nolol quduus ah aan dembi lahayn. (1 Butros 2:22)

Doonistiisa ayuu iskutallabta dusheeda ugu dhintay si uu dembilayaasha u soo furto. (Ishayaach 53:5-6)

Maalintii saddeexaad wuxuu ka sarakacay kuwii dhintay, oo sidan ayuu inoogu cadeeyay guushiisa. (1 Korintos 15:3-4).

Iskutallabta dusheeda, Yeshuucu wuxuu qaatay ciqaabtii aan mutaysannay. Isaga rumaysadkiisa ayaan ku helnay xaqnimada ilaah. (Rooma 3:25-26).

Masiixa Ilaah wuxuu bixiyaa dembi dhaaf buuxa iyo nolosha weligeed ah.

Sidee baa laynoo badbaadin karaa?

Tawrat, Sabuur iyo injiilka ayaa ina bara in badbaadada Ilaah tahay hadiyad bilaasha oo ka timid xagga Ilaah. Qofna kuma heli karo camal wanaagsan. Laakiin hadiyada nolosha weligeeda waxa lagu helaa rumaysadka Yeshuuca. (Efesos 2:8-9). Waa inaad ka tagtid dembigaaga iyo isku hallaynta camalkaaga wanaasgan, oo waa inaad  rumaysatid Yeshuuca Masiix badbaadada naftaada. (Falimaha 16:31